Ora ana dina tanpa ambune gedhang goreng ana ing pawone emak. Iku sing dirasakne Siti saben tangi turu.
Awit sadurunge subuh emake Siti wis miwiti nggoreng gedhang kanggo didol. Iku siji-sijine usaha kanggo nyambung urip lan biaya sekolah, amergo bapake Siti wis kapundhut naliko siti isih bayi. Dadi Siti lan emake urip kaloron tanpo bapake.
Saben dhina gedhang goreng dititipno nang kantin sekolah lan didol neng konco kelase. Masio karo dodol, Siti dadi murid sing pinter khususe ing pelajaran matematika. Saben tahun dekne mesti ngewakili sekolahe melu ajang olimpiade matematika tingkat provinsi.
